Samstarfshópurinn Náum áttum heldur morgunverðarfund miðvikudaginn 14. april 20

10 á Grand Hóteli í Reykjavík, kl. 8:15–10:00. Sjá nánar dagskrá í viðhengi

 velferð barna

Lýðheilsustöð, í samvinnu við mennta- og menningarmálaráðuneytið, stendur fyrir 2. skólaþingi stöðvarinnar 9. apríl 2010. Þingið fer fram í Rúgbrauðsgerðinni, Borgartúni 6.

Húsrými takamarkar þátttakendafjölda og nauðsynlegt er að vita fjöldann vegna veitinga. Því er þess óskað af fólk afskrái sig geti það ekki tekið þátt með því að senda tölvupóst til: gerdurh@lydheilsustod.is

Lýðheilsustöð stóð fyrir mjög vel sóttu skólaþingi í maí 2008 og í ljósi þeirrar reynslu var ákveðið að vera reglulega með þing þar sem fjallað væri um snertifleti skólastarfs og heilsu. Margir áhugaverðir fyrirlestrar og kynningar eru á dagskrá skólaþingsins en einn erlendur fyrirlesari er á dagskrá, Nikolaus Koutakis frá Svíþjóð, sem fjallar um s.k. Örebro verkefni.

Dagskrá

Að lokinni ráðstefnu verður efni hennar, fyrirlestrar og myndir, aðgengilegt á vefsíðu Lýðheilsustöðvar

Verðlaunahafarnir saman Efri röð: André Bachmann hvunndagshetja, Jón Böðvarsson yngri, fyrir hönd afa síns Jóns Böðvarssonar sagnfræðings og kennara sem hlaut heiðursverðlaun, Sigurgeir Guðmundsson og Kristinn Ólafsson, frá Slysavarnafélag-inu Landsbjörgu. Bóas Valdórsson, Ólafur Sverrisson, séra Sigurður Grétar Sigurðsson og Ársæll Aðalbergsson, allir fyrir hönd Gauraflokksins í Vatnaskógi. Neðri röð: Svava Arnardóttir, Auður Axelsdóttir iðjuþjálfi, Bylgja Jóhannsdóttir og Hrannar Jónsson, öll frá Hugarafli. Fréttablaðið/Anton

Fjölmiðlar Samfélagsverðlauna-hátíð Fréttablaðsins var haldin í Þjóðmenningarhúsinu í gær.

fjölmiðlar Samfélagsverðlauna-hátíð Fréttablaðsins var haldin í Þjóðmenningarhúsinu í gær. Á annað hundrað manns voru þar samankomin til að gleðjast með þeim rúmlega tuttugu einstaklingum og samtökum sem útnefnd voru í fjórum flokkum Samfélagsverðlaunanna.

Samfélagsverðlaun Fréttablaðsins eru veitt í fjórum flokkum, auk heiðursverðlauna en þau verðlaun komu í ár í hlut sagnamannsins og kennarans Jóns Böðvarssonar sem opnað hefur heim Íslendingasagna fyrir miklum fjölda samtímamanna.

Slysavarnafélagið Landsbjörg tók við Samfélagsverðlaununum úr hendi forseta Íslands, Ólafs Ragnars Grímssonar. Samfélagsverðlaunin nema einni milljón króna og sagði Sigurgeir Guðmundsson, formaður Slysavarnarfélagsins Landsbjargar, að verðlaunaféð kæmi sér vel nú þegar verið væri að byggja að nýju upp búnað Íslensku alþjóðabjörgunarsveitarinnar. Eins og kunnugt er skildi sveitin eftir mikinn búnað á Haítí eftir jarðskjálftana í janúar.

Hvunndagshetja ársins er gleðigjafinn André Bachmann. Verðlaunin hlýtur hann fyrir frumkvæði sitt að árlegri jólaskemmtun fyrir fatlaða, auk þess sem André smitar frá sér gleðinni hvar sem hann kemur.

Gauraflokkurinn í Vatnaskógi vann til verðlauna í flokknum Frá kynslóð til kynslóðar. Gauraflokkurinn er sumarbúðatilboð fyrir drengi með ADHD. Þörfum þeirra er meðal annars mætt með fjölmennara starfsliði en ella. Aðstandendur flokksins afla sjálfir fjár vegna aukins kostnaðar þannig að foreldrar drengjanna greiða sama verð fyrir dvölina og aðrir foreldrar.

Hugarafl hlaut verðlaun í flokknum Til atlögu gegn fordómum. Þar starfa saman á jafnréttisgrunni notendur geðheilbrigðisþjónustu og fagfólk. Markmið Samfélagsverðlauna Fréttablaðsins er að vekja athygli á broti af því kærleiksríka starfi sem unnið er víðs vegar í íslensku samfélagi. Allir útnefndir fengu verðlaunagripi sem voru hannaðir og smíðaðir af handhöfum Samfélagsverðlaunanna í fyrra, Ásgarði smíðaverkstæði. Aðrir vinningshafar en Samfélagsverðlaunahafarnir fengu síma í verðlaun og var hann gjöf frá Símanum.

„Einelti á vinnustöðum, heimilum og skólum og Sjálfsvíg, forvarnir og sorg“. (“ Bullying in Workplace, Home and School and Suicide Prevention and Grief „). Fyrirlestrarnir eru á ensku og öllum að kostnaðarlausu.

Reykjavík Föstudagur 19. mars kl. 08.30 – 12.00 Grand Hótel Skráning á fyrirlestur í gegnum netfangið jericoreykjavik@gmail.com

 Akureyri Laugardagur 20. Mars kl. 12.00 – 15.30 Síðuskóla Skráning á fyrirlestur í gegnum netfangið jericoakureyri@gmail.com

 Reyðarfjörður Sunnudagur 21. Mars kl. 13.00 – 16.30 Safnaðarheimilinu Skráning á fyrirlestur í gegnum netfangið jericoaustfirdir@gmail.com

Til þín sem skiptir okkur Liðsmenn Jerico og ótal marga aðra svo miklu máli í baráttunni gegn einelti í þjóðfélaginu.
Samtökin eru stuðningssamtök foreldra eineltisbarna og uppkominna þolenda, stofnuð 6. október 2008.
Liðsmenn Jerico  eru frjáls félagasamtök sem starfa óháð stjórnmálaflokkum eða trúfélögum.
Markmið samtakanna er að vekja athygli á afleiðingum eineltis ásamt því að vera athvarf fyrir þolendur og aðstandendur þeirra.
Samtökin eru vettvangur ráðgjafar, vinna að fræðslu og miðla þekkingu um málefni tengd einelti.
Liðsmenn Jerico blása til leiks í meistaradeildarkeppninni gegn einelti. Keppendur í deildinni eru þjóðin sjálf.
www.lidsmennjerico.is
www.jerico.is

Morgunverðarfundur: Náum áttum, næsta miðvikudag, 17. mars, kl. 8:15 til 10:00. 

Heiti fundarins er Börn og vímuefni- viðbrögð kerfisins. Skráning á vef Lýðheilsustöðvar

http://www.lydheilsustod.is/skraning

Undirbúningsvinna fyrir næsta  10. okt. 2010 er þegar hafin. Við þiggjum ábendingar um efni er varðar geðheilbrigði til að setja á vefinn.

Geðræktarbolir  eru áfram til sölu á kr. 1000 til styrktar verkefninu.

Hægt að senda inn pantanir t.d. á   jonna@simnet.is