Undirbúningur fyrir 10. október

Undirbúningur fyrir alþjóðlegan geðheilbrigðisdag 10. október er nú kominn á gott skrið. Alþjóðlegt þema dagsins er „Depression: A global crisis“ eða Þunglyndi er alheimsvandamál. Áhugi var fyrir því að tengja þemað málefnum ungs fólks með geðraskanir.Ákveðið hefur verið að breyta formi dagskrárinnar á þann veg að vikan 4. til 10. október sem ber niður á miðvikudag verði helguð málefnum geðheilbrigðis. Dagskránni lýkur svo á miðvikudeginum með veglegri hátíð í Gamla Bíó/Óperunni sem standa mun frá kl 17.00 til 19.00. Að öðru leyti yrðu hefðbundin dagskráatriði, en þeim dreift á lengri tíma. Þannig er hugmyndin að hvert atriði fengi meira vægi og athygli í opinberri umræðu. Meðal hugmynda sem komið hafa fram er að fá Borgarbókasafnið til að stilla fram athyglisverðum bókum um geðheilbrigði, hafa myndlistarsýningu í eina viku í samstarfi við Hitt húsið, galleríog/eða sýnigarsal, fá Bíó Paradís til að helga vikuna kvikmyndum tengdum efninu. Gangan yrði áfram með hefðbundnum hætti frá Hlemmi eða Skólavörðuholti. Skákmótið og sjósundið yrðu einnig á sínum stað. Einnig er í deiglu að fá Landssamband Æskulýðsfélaga með í undirbúninginn til að tengja daginn við ungt fólk.

Undirbúningur hafinn

Jæja þá er undirbúningur að næstu dagskrá hafinn. Í ár eru 20 ár síðan Alþjóðleg samtök um geðheilsu, http://www.wfmh.org hrundu þessu af stað og var markmiðið þá, eins og nú, að vekja athygli á geðheilbrigðismálum með ýmsu móti. Hér á Íslandi höldum við upp á daginn í 16. sinn og í ár verður mikið um að vera eins og endranær.

Fylgist með og takið þátt