Geðgóður dagurin í Mjóddinni í gær 10. október tókst frábærlega vel. Mikið fjölmenni og var dagurinn hinn skemmtilegasti. Við viljum þakka öllum sem heimsóttu okkur í Mjóddina. Þökkum heilbrigðisráðherra, Álfheiði Ingadóttur fyrir sitt ávarp og Páli Matthíassyni geðlækni fyrir frábært erindi. Einnig þökkum við þeim Herdísi Benediktsdóttur, Marteini og Þóreyju fyrir góða kynningu á bókinni Geðveikar batasögur og þeim sem kynntu atriðin. Þökkum frábæru tónlistarfólki, Þorsteini gítarleikaranum góða frá Fjölsmiðjunni, frábærri unglingahljómsveit sem kalla sig GÁVA, Geir Ólafs sem sló í gegn eins og honum einum er lagið og Ingó úr Veðurguðunum, en hann var alveg frábær eins og alltaf. Takk og aftur takk fyrir ykkar vinnu sem öll var gefin.
Síðast en ekki síst vil ég þakka öllu hinu frábæra fólki sem vann bæði að undirbúningi og svo á daginn sjálfan að ógleymdum húsverðinum í Mjódd sem var með okkur allan tímann.

Fyrir hönd stjórnar,

Ragnheiður Jonna Sverrisdóttir verkefnastjóri

Tvær greinar eftir Sigrúnu Daníelsdóttur sálfræðing um líkamsmynd barna og unglinga hefur verið bætt undir tenglinum Fræðsluefni. Greinarnar eru á PDF formi.

Þeim sem langar til að kynnast Sigrúnu betur geta kíkt á skemmtilega bloggsíðu sem hún heldur úti; blog.eyjan.is/likamsvirding

Eflum líkamsmynd barna og unglinga – Tíu ráð til að auka líkamsvirðingu barna. | Sækja PDF 52kb
Hvað er líkamsvirðing ? | Sækja PDF 100kb

Á meðan undirbúningi 10. október ‘09 stendur sem hæst, langar okkur til að deila með ykkur ljósmyndum af þeim sem hafa gefið vinnuna sína í tilefni af deginum á morgun. Þetta er sterkur hópur með breiða þekkingu sem kemur frá öllum áttum samfélagsins. Gangi ykkur öllum vel í kvöld og megi dagurinn á morgun vera ánægjulegur fyrir alla.

Myndirnar eru teknar í húsakynnum Hugarafls í Mjóddinni. » meira af: Ljósmyndir frá undirbúningi 10. október 2009

Í þættinum Samfélag í nærmynd á Rás 1 var tekið viðtal við Ragnheiði Jonnu Sverrisdóttur verkefnastjóra Alþjóða geðheilbrigðsdags 2009 og Herdísi Benediktsdóttur sem gaf út bókina Geðveikar batasögur. Skemmtilegt og áhugavert viðtal sem vert er að hlusta á.

Upptökur af þættinum er hægt að nálgast á heimasíðu ruv.is