Fyrsti undirbúningsfundurinn verður næsta mánudag, 24. júní nk.

Fundurinn verður haldinn í Klúbbnum Geysi kl. 15:00 – 16:00

Hvetjum alla áhugasama til að mæta.

Sjá nánar:   geysisdagurinn

Patch Adams – fyrirlestur í Þjóðleikhúsinu, miðasala á midi.is og í Þjóðleikhúsinu.

Hinn heimsfrægi heimilislæknir, Patch Adams heldur fyrirlestur í Þjóðleikhúsinu um hugsjónir sínar og aðferðir á sinn einstaka hátt. Fyrirlesturinn fer fram þann 6.júní 2013 í tilefni af 10 ára afmæli Hugarafls.

Hugarafl stendur einnig fyrir vinnusmiðju sama dag sem verður nánar auglýst síðar.

Patch lærði læknisfræði og var kennurum sínum og skólastjórn erfiður þegar hann reyndi að lífga upp á námið og umönnun sjúklinga með kærleik og húmor að vopni. Trúðsnef og fíflalæti féllu sjúklingum vel í geð. Árið 1998 var gerð kvikmynd byggð á ævi hans og fór þar Robin Williams á kostum í hlutverki Patch Adams. Myndin fór sigurför um heiminn og var meðal annars tilnefnd til Óskarsverðlauna.
Sem læknir vill hann gefa sjúklingum sínum tíma og meðhöndla sjúklinga sína sem manneskjur en ekki sem bilaðar vélar. Patch stofnaði seinna „Gesundheit“ stofnun/sjúkrahús, eða kannski réttara að kalla það samfélag. Þar geta allir komið og notið læknisþjónustu, hvort sem þeir eru ríkir eða fátækir. Allir á staðnum eru jafnir, hvort sem það eru læknar, notendur/sjúklingar, hjúkrunarfólk, kokkar eða ræstingafólk. Framlag allra er jafnt metið.
Starfsfólk gefur vinnuna sína og ætíð er biðlisti að komast að sem læknir þar. Lögð er áhersla á óhefðbundnar lækningar, samhliða þeim hefðbundnu og alltaf lagt mikið upp úr kærleik og húmor.
Hugarafl hefur alltaf unnið eftir sömu hugmyndafræði og varpað ljósi á bataferli geðsjúkra í gegnum valdeflingu. Allir eru jafnir, fjölbreytileikinn er hátt skrifaður, virðing og kærleikur hiklaust notaður í starfinu öllu. Það er því stórkostlegt tækifæri fyrir okkur að fá Patch Adams í heimsókn á þessum tímamótum. Við viljum að sem flestir fái að njóta þessa einstaka atburðar og bjóðum því almenningi að gleðjast með okkur!

Patch Adams
Þjóðleikhúsinu
6. júní 2013
KL. 19:30
miðaverð: 2.500-
Öryrkjar og námsmenn: 1.800-
Aðeins í þetta eina og einstaka skipti.

Hrannar Jónsson.

Í stjórn voru kjörin þau Jónína Valsdóttir, Maggý Hrönn Hermannsdóttir, Róbert Lageman og Sveinn Rúnar Hauksson. Í varastjórn hlutu kosningu Gunnar Einarsson, Héðinn Unnsteinsson og Margrét Ómarsdóttir.

Hrannar er 49 ára gamall Reykvíkingur og starfar við hugbúnaðarþróun.

http://www.landspitali.is/default.aspx?pageid=f0713eaf-a0f9-11e2-9ccc-005056be0005

Þunglyndi er einn þyngsti og dýrasti sjúkdómurinn á heimsvísu, jafnt í þróuðum ríkjum sem í þróunarlöndum, vegna minnkaðra lífsgæða og glataðra vinnudaga. Á alþjóðageðheilbrigðisdaginn 10. október 2012 vekjum við athygli á því um heim allan að þunglyndi er sjúkdómur sem hægt er að meðhöndla og unnt er að ná bata.

Fleiri en 350 milljónir manna á öllum aldri, og í öllum samfélögum, eru þunglyndir. Þrátt fyrir að til séu gagnlegar meðferðir við þunglyndi er aðgengi að meðferð vandamál í flestu ríkjum og í sumum þróunarríkjum fá færri en 10% þunglyndra viðeigandi meðferð. Efnahagskreppan sem ríður yfir heiminn með tilheyrandi atvinnuleysi, auknum skuldum og auknu óöryggi hefur enn aukið á vandann.

Talið er að um 12-15 þúsund Íslendingar séu þunglyndir á hverjum tíma. Þótt þunglyndi sé svo algengt, gera margir sér litla grein fyrir eðli sjúkdómsins eða misskilur birtingamyndir hans. Þunglyndi er ekki merki um dugleysi, ekki fremur en sykursýki eða of hár blóðþrýstingur.

Þunglyndi hefur margvísleg einkenni, sem öll hafa í för með sér að draga úr lífsgleði og framtaki og draga úr þreki einstaklings til að sinna daglegum skyldum, rækta fjölskyldu og vini. Ef þunglyndið greinist ekki leiðir það til þjáninga og viðvarandi röskunar á starfsgetu og lífsnautn. Þegar verst lætur getur þunglyndið stefnt lífi fólks í óefni, jafnvel sjálfsvígshættu. Því er mikilvægt að opna augun fyrir einkennum sjúkdómsins. [1]

Á alþjóðageðheilbrigðisdaginn 2012 verða stjórnvöld og almenningur um heim allan hvött til þess að ræða um þunglyndi sem útbreiddan sjúkdóm sem hefur áhrif á einstaklinga, fjölskyldur þeirra og samferðafólk, og gera sér grein fyrir aðstoð sé fyrir hendi. Við ættum öll að vera meðvituð um fyrstu merki um þunglyndi – það getur haft áhrif á alla, bæði unga sem aldna.

Það er mismunandi milli svæða í heiminum hverjir eru í sérstakri áhættu á að fá þunglyndi. Um allan

heim eru þó nokkrir áhættuþættir sem gera suma líklegri til þess að verða þunglyndir en aðra:

1. Kyn, konur reynast tvisvar til þrisvar sinnum líklegri til þess að verða þunglyndar heldur en karlar.
2. 2. Efnahagslegur ójöfnuður, það er að segja fátækt
3. Félagslegur ójöfnuður svo sem lágt menntunarstig
4. Erfðir, ef einhver nákominn er þunglyndur ertu tvisvar til þrisvar sinnum líklegri til að þróa með þér þunglyndi einhvern tímann á ævinni.
5. Ofbeldi
6. Sambandsslit eða hjónaskilnaður, en það á sérstaklega við um karlmenn
7. Önnur langvarandi veikindi

Nokkrir fróðleiksmolar um þunglyndi:

1. Þunglyndi er einn þyngsti og dýrasti sjúkdómurinn á heimsvísu, jafnt í háþróuðum löndum sem í þróunarlöndum.
2. Þunglyndi er algengur sjúkdómur; 15-25% einstaklinga geta búist við því að verða þunglyndir einhvern tíma á ævinni.
3. Þunglyndi byrjar snemma á ævinni, mjög oft á bilinu 18-30 ára.
4. Þunglyndi tengist mjög oft kvíðaröskunum og áfengissýki.
5. Þunglyndi fylgir oft langvinnum líkamlegum sjúkdómum.
6. Þunglyndi birtist stundum sem safn líkamlegra einkenna.
7. Þunglyndi er oft flókið í greiningu, ekki síst vegna þess að einstaklingurinn sjálfur áttar sig oft ekki á því að vanlíðan hans/hennar og andlegt og líkamlegt þróttleysi geti verið af völdum þunglyndis.
8. Þegar vandað er til greiningar og meðferðar er árangur ekki minni en við aðra algenga sjúkdóma.

Allar upplýsingar sem birtast hér eru frá alþjóðaherferð World Federation for Mental Health og af vef Landlæknisembættisins (2012): Þjóð gegn þunglyndi. Sjá hér: http://www.landlaeknir.is/heilsa-og-lidan/verkefni/item16380/%C3%BEjod_gegn_%C3%BEunglyndi.

Bataskólinn hefur starfsemi sína miðvikudaginn 6. mars með fyrsta námskeiði sínu, sem stendur yfir fram að páskum. Námskeiðið er ætlað öllu fullorðnu fólki sem hefur átt við geðræn veikindi að stríða og miðar að fræðslu um í hverju bati felst. Megin áhersla verður á þá þætti sem nemendur geta sjálfir haft stjórn á untan hefðbundnar meðferðir. Námskeiðið fer fram í samkomusal í húsi iðjuþjálfunar fyrir aftan Klepp og stendur yfir á miðvikudögum frá kl. 12:30-14:30. Stefnt er að öðru námskeiði eftir páska. Námskeiðið er fjórar tveggja klukkustunda kennslustundir á viku fresti. ATH. Skráning er hafin. Sótt er um þátttöku með því að senda á nefangið bati@landspitali.is og stendur skráning yfir til 5. mars kl. 16:00. Í umsókn þarf að koma fram fullt nafn og kennitala. ]]> http://www.10okt.com/?feed=rss2&p=1144 0 http://www.10okt.com/?p=1142 http://www.10okt.com/?p=1142#comments Mon, 04 Mar 2013 20:45:26 +0000 bergthor http://www.10okt.com/?p=1142 Jæja, þá er aðalfundur þessa árs búinn og undirbúningur hafinn.

Rekstrarreikningurinn kom út rétt svo í plús svo við getum haldið áfram með bros á vör

fyrsti stjórnarfundur félagsins á þessu ári var í gær og þar var ákveðið að aðalfundur yrði haldinn 28. febrúar nk.

Þar verður hugmynd að dagskrá 2013 lögð fram og sitthvað fleira.

Þetta er allt að byrja

Hæ allir til sjávar og sveita.

Við færum ykkur okkar bestu óskir um gleðileg jól og gæfuríkt

komandi ári.

Þökkum fyrir samstarf, stuðning og góðar stundir á árinu sem er að líða.

Stjórnin