Áhugaverðir  örfyrirlestrar á vef Háskóla Íslands um „Mannlíf og kreppur“. Þetta eru 10 stuttir fyrirlestrar sem hægt er að horfa á með hjálp flash spilara. Meðal fyrirlesara eru; Engilbert Sigurðsson geðlæknir, Páll Matthíasson sviðsstjóri geðsviðs LSH, Gylfi Magnússon viðskiptaráðherra, Guðrún Nordal forstöðumaður stofnunar Árna Magnússonar, Jóhann Ingi sálfræðingur og Brynhildur Davíðsdóttir dósent við HÍ.

Skoða nánar á vef HÍ; www.hi.is/is/mannlif_og_kreppur

Bráðfyndið verk, fullt af hlýju og sársauka, um fáránleika, klikkun og ást

Höfundur: Kristján Þórður Hrafnsson

Leikstjóri: Melkorka Tekla Ólafsdóttir

Leikarar: Sveinn Geirsson og Tinna Hrafnsdóttir

Maðurinn sem hún elskar fer smám saman að hegða sér mjög einkennilega. Fyrr en varir virðist þessi geðþekki maður gjörsamlega hafa misst taumhald á sjálfum sér. Og orsökin er nákvæmlega sömu eiginleikar og áður gerðu hann skemmtilegan og heillandi. Er hægt að hjálpa honum? Hvar eru mörkin? Sum vandamál virka kannski fáránleg og fyndin, en afleiðingarnar geta orðið vægast sagt rosalegar. » meira af: Fyrir framan annað fólk

Föstudaginn 9. október verður kveikt á friðarsúlunni í Viðey og í tilefni af deginum mun Yoko Ono, bjóða ókeypis ferðir til Viðeyjar 9.-11. október. Tónleika til heiðurs Lennon í Listasafni Reykjavíkur verða í  Hafnarhúsinu sama dag kl 22:00 » meira af: Tónleikar til heiðurs Lennon

Mæður sem reykja á meðgöngu setja börn sín í aukna áhættu á því að stríða við geðræn vandamál, svo sem ranghugmyndir og ofskynjanir. Rannsókn á vegum háskólanna í Cardiff, Notthingham, Bristol og Warwick bendir til þess, en hún er hluti af rannsókn sem lengi hefur veri ðí gangi, og kallast Avon Longditudinal Study of Parents and Children. Er þar reynt að skoða hvernig erfðir og umhverfi hafa áhrif á heilsu fólks.

Rannsóknin sem hér um ræðir var gerð í Bretlandi á meðal tólf ára barna. Niðurstaðan var sú að ef mæður barnanna höfðu reykt á meðgöngu voru 20% meiri líkur á því að börnin stríddu við fyrrnefnd vandamál. Tengingin var hins vegar 84% sterkari ef mæðurnar höfðu reykt 20 sígarettur á dag eða meira. Greint er frá þessu í tímaritinu British Journal of Psychiatry.

Tekið af mbl.is(3. okt ‘09) og að auki beinn tengill á greinina sjálfa á The British Journal of Psychiatry.

Það verður sannkölluð írsk veisla hjá okkur Kópavogsbúum í október þegar við höldum írska menningarhátíð. Hátíðin stendur yfir frá 2. til 11. október og verður ýmislegt í boði fyrir alla fjölskylduna. » meira af: Írsk veisla í Kópavogi 2. til 11. október

Forvarnardagur 2009 er haldinn í öllum grunnskólum landsins í dag. Dagurinn er helgaður nokkrum heillaráðum sem geta forðað börnum og unglingum frá fíkniefnum, ráðum sem eiga erindi við allar fjölskyldur í landinu.

Forvarnardagurinn er haldin að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík.
Verkefnið er stutt af lyfjafyrirtækinu Actavis.

• Rannsóknir hafa leitt í ljós að unglingar foreldra sem vita gjarnan hvar þeir eru á kvöldin og með hverjum, eru ólíklegri til að neyta fíkniefna en þeir unglingar sem eru undir minna eftirliti.
• Því meiri tíma sem foreldrar verja með unglingum því ólíklegra er að þeir leiðist út í fíkniefnaneyslu.
• Þeir unglingar sem telja sig auðveldlega geta fengið stuðning frá foreldrum sínum eru ólíklegri en aðrir til að leiðast inn á braut fíkniefnaneyslu.
• Foreldrar sem þekkja aðra foreldra í hverfinu og vini barna sinna draga úr líkum á því að unglingar ánetjist fíkniefnum. Það þarf heilt þorp til að ala upp eitt barn.
• Samstarf foreldra, þar með talið þátttaka í skólastarfi, æskulýðs- og íþróttastarfi og foreldrarölt, er mjög af hinu góða. Þekktu foreldra skólafélaga og vina unglinga þinna og vertu hluti af samfélagi og neti foreldra. Láttu þig varða hag unglinga almennt.
• Unglingar sem stunda skipulagt íþrótta-og æskulýðsstarf undir leiðsögn ábyrgra aðila eru ólíklegri til að leiðast út í fíkniefnaneyslu eða aðra óæskilega hegðun.
• Því lengur sem unglingar sniðganga áfengi því ólíklegra er að þeir ánetjist fíkniefnum. Hvert ár skiptir á máli.
• Öflugt forvarnarstarf þarf að beinast að því að bæta umhverfi unglinga. Miklu skiptir að allir vinni saman; foreldrar, kennarar og þeir sem skipuleggja íþrótta- og æskulýðsstarf. Allir þessir aðilar verða að leggjast á eitt eigi góður árangur að nást. Forvarnarstarf er grasrótarstarf.

Nánari upplýsingar um hvernig þú getur tekið þátt er að finna á vefsíðu forvarnadagur.is

Þann 22. febrúar 2009 var opnaður Geðspekivefur, vefur um geðheilbrigði og geðrækt.

Markmið Geðspekivefsins er að skapa jákvæða umræðu um geðheilsu og vekja athygli á hárri tíðni álagsþátta meðal háskólanema. Vefnum er ætlað að dýpka þekkingu á geðheilbrigði, geðröskunum, áhættuþáttum og meðferðarúrræðum og stuðla þannig að geðheilbrigði.

Slóð vefsins er ged.hi.is

Nældu þér í miða á þessa frábæru og vel sóttu heimildarmynd, Sólskinsdrengurinn. Sýningar hefjast í kvöld í háskólabíó og fer hver að verða síðastur. Um er að ræða síðustu aukasýningar og verður hún sýnd aðeins í fjóra daga en myndin var fyrst frumsýnd 9. janúar ‘09.   Kvikmynd sem fær fólk til að hugsa að ekki er allt gefið í lífinu og til að ná árangri þarf að hlúa að markmiðum sínum.

Hægt er að kaupa miða á myndina í gegnum midi.is. Nánari upplýsingar um myndina er að finna á vefsíðu myndarinnar. » meira af: Sýning kvikmyndarinnar Sólskinsdrengurinn hefjast í kvöld