Miðvikudagur 13. janúar 2010
Láttu skoðun þína í ljós.. »
Undirbúningsvinna fyrir næsta 10. okt. 2010 er þegar hafin. Við þiggjum ábendingar um efni er varðar geðheilbrigði til að setja á vefinn.
Geðræktarbolir eru áfram til sölu á kr. 1000 til styrktar verkefninu.
Hægt að senda inn pantanir t.d. á jonna@simnet.is
Fimmtudagur 15. október 2009
Láttu skoðun þína í ljós.. »
Morgunverðafundur verður haldin í samstarfi við VIKU 43, vímuvarnaviku 2009 á GRAND Hótel 20. október 2009 kl. 8.15 – 10.00
Yfirskriftin er Kannabis – UMFANG OG AFLEIÐINGAR
Fyrirlesarar verða;
- Karl Steinar Valsson, aðstoðaryfirlögregluþjónn;
- Umfang framleiðslu og dreifing á kannabis
- Arngrímur Þór Gunnarsson, forvarnafulltrúi í Fjölbraut Ármúla
- Kannabis í framhaldsskólanum, umfang og viðbrögð
- Aðstandandi kannabisneytanda
- Einkenni, viðbrögð og afleiðingar
- Þórarinn Tyrfingsson, yfirlæknir á Vogi
- Líkamleg áhrif og afleiðingar fyrir neytandann
FUNDARSTJÓRI er Rafn Jónsson » meira..
Miðvikudagur 14. október 2009
Láttu skoðun þína í ljós.. »
Áhugaverðir örfyrirlestrar á vef Háskóla Íslands um „Mannlíf og kreppur“. Þetta eru 10 stuttir fyrirlestrar sem hægt er að horfa á með hjálp flash spilara. Meðal fyrirlesara eru; Engilbert Sigurðsson geðlæknir, Páll Matthíasson sviðsstjóri geðsviðs LSH, Gylfi Magnússon viðskiptaráðherra, Guðrún Nordal forstöðumaður stofnunar Árna Magnússonar, Jóhann Ingi sálfræðingur og Brynhildur Davíðsdóttir dósent við HÍ.
Skoða nánar á vef HÍ; www.hi.is/is/mannlif_og_kreppur
Þriðjudagur 13. október 2009
Láttu skoðun þína í ljós.. »
Norræn rástefna: Welfare in Times of Crises, verður haldin á Hótel Sögu, 21. október frá klukkan kl. 9:00 til 16:15.
Á ráðstefnunni verður að finna fjölda áhugaverðra fyrirlestra, s.s um áhrif efnahagsþrenginga á heilsu og líðan, áhrif alþjóðagjaldeyrissjóðsins á heilbrigðiskerfi þeirra landa sem þeir aðstoða, reynslu Norðurlandaþjóðanna, kynntar verðar niðurstöður íslenskra rannsókna ásamt úrræðum sem unnið er að í íslensku samfélagi. Einnig er gert ráð fyrir umræðu með þátttakendum um hvers konar samfélag við viljum búa í.
Ráðstefnan fer fram á ensku og er öllum opin án endurgjalds.
Skráning fer fram á lydheilsustod.is
Sækja auglýsingu á PDF 2.2mb
Þriðjudagur 13. október 2009
2 athugasemdir »
Niðurstöður birtar úr einni stærstu alþjóðlegu rannsókn sem gerð hefur verið á þessu sviði.
Tökum öll þátt í umræðum um framtíðarsýn og stefnumótun!!
Þann 3.nóvember 2009 er fyrirhuguð ráðstefna sem mun fjalla um fordóma gagnvart einstaklingum með geðræn vandamál frá sjónarhorni félagsfræði, geðlæknisfræði og notenda. Megintilgangur ráðstefnunnar er að kynna niðurstöður úr nýlegri könnun á viðhorfum Íslendinga til geðrænna vandamála en að rannsókninni standa þau Sigrún Ólafsdóttir, lektor í félagsfræði við Boston University og Jón Gunnar Bernburg, dósent í félagsfræði við Háskóla Íslands. Ráðstefnan er haldin í samstarfi við Hugarafl, Geðlæknafélag Íslands, Félags- og Mannvísindadeild Háskóla Íslands og Félagsfræðingafélag Íslands. » meira..
Þriðjudagur 13. október 2009
Láttu skoðun þína í ljós.. »
Nú fer í hönd fjórði starfsvetur Töframáttar tónlistar. Líkt og síðastliðinn vetur verða tónleikarnir haldnir á Kjarvalsstöðum og hefjast kl. 14:00 á mánudögum.
Fyrstu tónleikar vetrarins verða mánudaginn 19. október en þá munu þau Gunnar Kvaran sellóleikari og Elísabet Waage hörpuleikari flytja tónleikadagskrá. Tónleikar vetrarins verða fernir í allt 19. október, 30. nóvember, 22. mars og 26. apríl.
Töframáttur tónlistar er heiti á tónleikaröð sem Gunnar Kvaran kom á fót árið 2006 svo þeim sem minna mega sín í þjóðfélaginu gefist tækifæri til að hlusta á vandaða tónlist í fyrsta flokks flutningi – endurgjaldslaust.
Vonandi sjáumst við sem flest og njótum stundarinnar.
Sunnudagur 11. október 2009
Láttu skoðun þína í ljós.. »
Geðgóður dagurin í Mjóddinni í gær 10. október tókst frábærlega vel. Mikið fjölmenni og var dagurinn hinn skemmtilegasti. Við viljum þakka öllum sem heimsóttu okkur í Mjóddina. Þökkum heilbrigðisráðherra, Álfheiði Ingadóttur fyrir sitt ávarp og Páli Matthíassyni geðlækni fyrir frábært erindi. Einnig þökkum við þeim Herdísi Benediktsdóttur, Marteini og Þóreyju fyrir góða kynningu á bókinni Geðveikar batasögur og þeim sem kynntu atriðin. Þökkum frábæru tónlistarfólki, Þorsteini gítarleikaranum góða frá Fjölsmiðjunni, frábærri unglingahljómsveit sem kalla sig GÁVA, Geir Ólafs sem sló í gegn eins og honum einum er lagið og Ingó úr Veðurguðunum, en hann var alveg frábær eins og alltaf. Takk og aftur takk fyrir ykkar vinnu sem öll var gefin.
Síðast en ekki síst vil ég þakka öllu hinu frábæra fólki sem vann bæði að undirbúningi og svo á daginn sjálfan að ógleymdum húsverðinum í Mjódd sem var með okkur allan tímann.
Fyrir hönd stjórnar,
Ragnheiður Jonna Sverrisdóttir verkefnastjóri
Sunnudagur 11. október 2009
Láttu skoðun þína í ljós.. »
Tvær greinar eftir Sigrúnu Daníelsdóttur sálfræðing um líkamsmynd barna og unglinga hefur verið bætt undir tenglinum Fræðsluefni. Greinarnar eru á PDF formi.
Þeim sem langar til að kynnast Sigrúnu betur geta kíkt á skemmtilega bloggsíðu sem hún heldur úti; blog.eyjan.is/likamsvirding
Eflum líkamsmynd barna og unglinga – Tíu ráð til að auka líkamsvirðingu barna. | Sækja PDF 52kb
Hvað er líkamsvirðing ? | Sækja PDF 100kb
Hægt er að kaupa okkar vinsælu geðræktarboli með því að hafa samband við hana Ragnheiði J. Sverrisdóttur (Jonna) Verkefnastjóri í síma 896-0935 
